ជីវិត

ខែ​ឧសភា 8, 2012

នាទី ពិចារណា

ជំរាបសួរប្រិយមិត្តពីនាយសមុទ្រម្ខាង !

សង្ឃឺមថាអ្នករាល់គ្នាសុខសប្បាយជាធម្មតារ៉េ ។ ជីវិត សត្វលោកមិនខុសពីគ្នារ៉េ សូមទស្សនាហើយពិចារណាមើល៍ថាយើងនឹងបក្សានេះខុសប្លែកយ៉ាងណាដែរ ។ ខ្ញុំចំណាយពេលពីរអាទិត្យដើម្បីថតរូបទាំងនេះ ។

ស្លាយដ៍សូវ៍​នេះ​ត្រូវការ JavaScript។

គិតៗទៅមិនខុសពីបងប្អូនខ្មែរយើងរ៉េ បែកបាក់ផ្ទះសំបែង ក្រុមគ្រួសារ រសាយរសាត់ ផាយផាត់ រហែរហូតរហេវរហៃ ឆ្ងាយពីគ្នាគ្មានទីដៅ ! ។


វិទ្យុសម្លេងខ្មែរ សំរាប់ Andriod

ខែ​មេសា 16, 2012

ជំរាបសួរប្រិយមិត្តពីនាយសមុទ្រម្ខាង !

សួស្តីឆ្នាំថ្មី !

គិតទៅកើតមកជាខ្មែរសំណាងដែរ ប្រពៃណី វប្បធម៌ អរិយ្យធម៌ ទំនាមទម្លាប់ សិល្បះ សាសនា សម្បត្តិធម្មជាតិ មិនចាញ់ប្រទេសជិតខាងឡើយ ។

ភាសា នឹង សិល្បះ ល្អពិចិត្ររកគ្មានក្នុងសាកលលោក ។

បើអ្នកទាំងអស់គ្នាជាជនជាតិខ្មែរដូចខ្ញុំប្រាកដជាមានអារម្មណ៍មិនខានឡើយ។

កាលពីលើកមុន លោក សាត់ មុន្នី ជាម្ចាស់គេហទំព័រ KhemaraSoft លោក បាន ចេញ វិទ្យុសម្លេងខ្មែរ សំរាប់ iPhone នឹង iPad រួចម្តងទៅហើយ ថ្មីៗនេះលោកបានចេញ សំរាប់

បងប្អូនយើង ដែលប្រើប្រាស់ Andriod ឬក៏អាចចុចពី ទូរស័ព្ទ ចុច “Market”ហើយស្វែងរក “Radio Khmer” ។ សូមអរគុណដល់លោក ដែលតែងយកចិត្តទុកដាក់ ជួយសម្រែសម្រួល ក្នុងការត្រូវការរបស់ បងប្អូនយើង ដែលប្រើប្រាស់

នៅរបស់ទំនើបៗ ដែលពីមុនមកមិនដែលមាន។ សូមអរគុណដល់លោក សាត់ មុន្នី ព្រមទាំងសហការីទាំងអស់ ។


សួស្តីឆ្នាំថ្មី ២៥៥៦ !

ខែ​មេសា 11, 2012

សួស្តីឆ្នាំថ្មី !

ពិធីបុណ្យចូលឆ្នាំជាបុណ្យមួយដែលប្រជាពលរដ្ឋខ្មែរយើងនៅទូទាំងព្រះរាជាណាចក្រកម្ពុជា ក៏ដូចជាប្រជាពលរដ្ឋខ្មែររស់នៅក្រៅប្រទេសនានាក្នុងពិភពលោក នាំគ្នាប្រារព្វធ្វើ ដើម្បីអបអរសាទរទទួលទេវតាឆ្នាំថ្មីផង នឹង ដើម្បីរក្សានូវទំនៀមទម្លាប់ប្រពៃណីយើងអោយបានគង់វង់ផង ។

ឆ្មាំរោង ចត្វាស័ក ពស ២៥៥៦ គស ២០១២ សូមជូនពរដល់បងប្អូនយើងទាំងអស់មិនថានៅភូមិណាស្រុកណា ក្រៅស្រុក ក្នុងស្រុក សូមអ្នកទាំងអស់បានជួបនៅសេចក្តីសុខ សេចក្តីចំរើន កុំអោយមានស្គាល់នៅរោគា

សូមអោយបានជួបតែសុភមង្គលជួបជុំគ្រួសារ ព្រមទាំងពុទ្ធពរទាំងបួនប្រការ មាន អាយុ វណ្ណះ សុខពលះ បដិពាណ កុំបីឃ្លាងឃ្លាតឡើយហង !។ ក្នុងនាមខ្ញុំបាទ ជាខ្មែរមួយរូបសូមបួងសួងដល់ទេវតាឆ្នាំថ្មី សូមតាមថែរក្សាបងប្អូនយើងទាំងអស់ មិនថានៅទីណាៗ សូមអស់លោកប្រកបដោយសេចក្តីសុខសេចក្តីចំរើន រកសី៊មានបាន សប្បាយហូរហា មានគ្នាហើហា មានប្រាក់ដុល្លា វិឡា ឡានគ្រប់ម៉ាក កុំអោយបានស្គាល់នៅសេចក្តីក្រឡើយហ្មង! សូមអមោទនា ផង ! ។

សូមផ្ញើរដល់ប្អូនប្រុស វ៉ាន់ ចំរើន ដែលជាម្ចាស់ផ្ទះ កំសាន្តថ្ងៃនេះ ពីមុន ប្អូនរើផ្ទះ បងដើរររកអត់ឃើញរ៉េ !  វិសាល (កូនទន្សាយតូច)ផងដែរ !


ពេទ្យធ្មេញ(អ្នកគ្រូវេជ្ជបណ្ឌិតក្មេង)

ខែ​មេសា 10, 2012

នៅស្រុកខ្ញុំរឿងទៅពេទ្យធ្មេញជា ការចាំបាច់សំរាប់ជនជាតិនៅស្រុកនេះ យ៉ាងកំសុយណាស់ម៉ាឆ្នាំអោយបានពីដងដែរ ។ សំអាតនេះ សំអាតនោះយ៉ាងហោចណាស់ក៏អស់ហា ហុកសិប ដុល្លាអីអាចឹងដែរ ព្រោះស្រុកនេះ បាន ការធានារាប់រង ជួយចេញថ្លៃ ។ មុនៗខ្ញុំមិនចង់ទៅទេ ពេទ្យធ្មេញ ព្រោះមាន លោកវិជ្ជបណ្ឌិត ឬ ក៍ស្រីចំណាស់ៗមកសំអាតធ្មេញរបស់ខ្ញុំ ។

កាលពីថ្ងៃមុនខ្ញុំបានទៅេពទ្យធ្មេញ មានអ្នកគ្រូពេទ្យធ្មេញក្មេងម្នាក់ អាយុមិនហួសពី ២៥ ទៅ ២៦ ទេ នាងជាជនជាតិអាមេរិកាំងស្បែកស នាងមានរាងស្រលូន ម្រាមដៃតូច ៗ ស្រួចដូចបន្លាក្រូច វង់ភ័ក្រផូផង់ ចិញ្ចើមរាងខ្វង់ ដូចគំនូរដែលគូសវាសដោយវិចិត្រករដ៏ចំណានម្នាក់ ក្នុងលោក ។ បបូរមាត់ក្រហមទុំ ថ្ពល់ទាំងសងខាងក្រហមព្រឿងៗដោយសម្រស់របស់ធម្មជាតិ មិនមែនដោយសាជំនួយពីម្សៅមាកាយេ ឬ គ្រឿងលំអរណាមួយឡើយ នាងមានសក់ពណ៌ទង់ដែង (blonde)។

ធ្មេញរបស់នាងសស្គូស ព្រោះថាជាបណ្ឌិតខាងធ្មេញទាល់តែសរបៀបនឹង បានអាចក្លាយជាគំរូដល់ប្រជាជនទូទៅបាន ។ បើនាងញញឹមវិញសែនស្រស់ បើថាហេវបាយអីគ្រាន់តែក្រឡេកម៉ាភ្លែតគឺឆ្អែតម៉ាងៃតាហ្មង! ។ សម្លេងស្រួយស្រោក ដូចអ្មកណាទើបបោកអំបែងចានចោលពីថ្ងៃអាចឹង !អ្វីៗដែលនាងនិយាយមកកាន់ខ្ញុំជាភាសាអងគ្លេស តែបេះដូងខ្ញុំនឹងខួរក្បាលរបស់ខ្ញុំប្រែជាភាសាខែម៉ារាទៅវិញ ។

ក្លិនក្រអូបសាយ ដូចផ្កាច័ន្ទូ ក្រអូបពេលរាត្រី បើបានហិតក្លិនហើយមិនចង់ឃ្លាត ហិតហើយហិតទៀត ហិតមិនហៀវហត់។ ជួនកាល នាងអោនជិតដល់ច្រមុះខ្ញុំ ព្រោះត្រូវសំអាតនៅអ្វីដែលនាងកំពុងតែរុករក ខ្ញុំលួចក្រឡេកម៉ាភ្លែតដល់កែវភ្នែកទាំងទ្វេរបស់នាង ដែលប្រៀបបានទៅភ្នែករបស់ឆ្មា មួយដែលមានពណ៌ខៀវថ្លាគួជាទីពេញចិត្ត ។

ជួនកាល នាងអោនផ្អិបមកជិតថ្ពល់របស់ខ្ញុំ ដើមទ្រូងដ៏ពើងរបស់នាងចង់ប៉ះនឹងច្រមុះរបស់ខ្ញុំ ខ្ញុំរិតតែមានការអៀនខ្មាស់ព្រោះខ្ញុំជាមនុស្សប្រុស មិនដែលជួបប្រទះនៅហេតុការក្តៅសាច់ទាំងនោះ ។

ជួនកាលខ្ញុំអាចឮនៅចង្វាក់បេះដូងរបស់នាងលោត ប្រហាក់ប្រហែលនឹង ភ្លេងឆៃយាំស្រុកយើងដែរ យូរៗខ្ញុំអាចឮពោះនាងកូក្រូកៗ មិនដឹងជានាងបានញាំអីឬនៅ ? ។

ខ្ញុំ មិនទៅខ្វល់អី ទេ ទម្រេតលើ កៅអី ដែលសំរាប់អ្នកជម្ងឺសំរាកលើ ភ្នែកទាំងពីរបិទជិតឆឹងខ្វល់អី នៅក្នុងកន្តាប់ទេពធិតាហើយ មានអីគួរបារម្ភ មែនទេ ? “ឈឺទេបង? បងត្រូវការទឹកបន្ថែមទេ? បែរមកខាងណេះបន្តិចបង!” ខ្ញុំគ្មានទៅខ្វល់អីទេ គ្រាន់តែលើកដៃ បន្តិចៗជាសញ្ញាប្រាប់នាងថា បងនៅក្រោមអូនហើយ ចេះអូនដកធ្មេញបងម៉ាក្រាស់ ពីរក្រាស់ទាល់តែអាលីងដូចគោក៏បងមិនខ្វល់ដែរ លេងអោយអស់ដៃចុះអូន កុំខ្វល់ ! ខ្ញុំគិតក្នុងខួរក្បាលរបស់ខ្ញុំ ព្រមដោយសំណួរជាច្រើនទៀត ដូចជា

” បើយើងទាំងពីរ ក្លាយជា ស្វាមី ភរិយា តើកូនយើង កាត់មកបងជាង ឬក៏កាត់ទៅអូនជាង ? បើយើងរៀបការជាមួយគ្នា តើគ្រួសារអូនទទួលបងចូលក្នុងគ្រួសារអូនទេ? ចុះគ្រួសាររបស់បងតើពួកគាត់អាចទទួលយកអូនជាសមាជិកក្នុងក្រុមគ្រួសារថ្មីទេ បើយើងទាំងពីរមានជាតិ នឹង វប្បធម៌ នឹងទំនាមទម្លាប់ខុសគ្នា ?

តើស្នេហាខុសពូជសាសន៍មានភាពសាកសិទ្ធដែរទេ? ស្រុកខ្ញុំបើស្រីជាជនជាតិអាមេរិកាំង ហើយប្រុសជាសញ្ជាតិខ្មែរកំរ៉មានណាស់ បើបានគ្នាក៏មិនជាប់លាប់ដែរ ប្រហែលទិកទិចគ្មានប្រសិទ្ធភាពក៏មិនដឹង? បើស្រីខ្មែរវិញ រៀបការជាមួយប្រុសអាមេរិកាំងវិញ គឺថា ១០ បាន ៨ អីអាចឹងដែរ ប្រហែលជាទិកនិចគេប្រសើរជាងប្រុសខ្មែរ មិនដឹង ? ខ្ញុំមិនមែនជាអ្នកប្រកាន់ពូជសាសន៍អីនោះទេ តែខ្ញុំគិតថាពួកគេគួរតែរៀបការជាមួយពូជសាសន៍ដូចគ្នា តើគេអាចស្រឡាញ់គ្នាកើតដែរទេ បើការរស់នៅ ទំនាមទំលាប់ខុសគ្នា? ។

បើយើងទាំងពីររៀបការជាមួយគ្នា ស្រ្តីខ្មែរទាំងពួង មិនលួចជេរខ្ញុំហើមពោះទៅហើយអីហ្នឹង? គំនិតពាលារបស់ខ្ញុំ ពិតជាមេចផ្តេស ផ្តាស ផ្តួចផ្តើម ផ្តៀងផ្តង ដូចជ្រូកពុលក្តួចមែន ! ។ យូរៗខ្ញុំឮសម្លេងក្រូកៗ ពីទយោផ្លាស្ទិកដែលដាក់ក្នុងមាត់របស់ខ្ញុំដើម្បីបូបនៅទឹកនឹងឈាមពីចេញពីមាត់ក្រោយពីការសំអាតរួច ។

ភ្នែករបស់ខ្ញុំនៅតែបិទដដែល ព្រោះត្រូវបានគេបញ្ចូលខ្យល់ឧស្ម័នដើម្បីកុំអោយខ្ញុំមានការឈឺចាប់ពេលសំអាតឬដកធ្មេញ ។ មុខខ្ញុំហើមដូចកាពតដោយសារការចាក់ថ្នាំ នឹងការដកធ្មេញ ។

មិនយូរប៉ុន្មានដៃដ៏ស្រឡូនទាំងទ្វេរបានដកនៅ ប្រដាប់ដែលដាក់គ្របលើច្រមុះ(mask) របស់ខ្ញុំព្រោះកិច្ចការអ្វីដែលនាងបានធ្វើមកលើខ្ញុំគឺចប់សព្វគ្រប់ហើយ ។

” O.K. We all done. Everything look good. We will see you in 3 months ” ទោះបីនាងនិយាយជាភាសាអងគ្លេសក៏ដោយ ក៏ខ្ញុំឮតែនាងនិយាយភាសាខ្មែរដាក់ខ្ញុំ ” រួចរាល់ហើយបង ! អ្វីៗដែលបងមានពីមុននោះអូនបានយកចិត្តទុកដាក់ សំអាតជូនបងហើយ ! បីខែទៀតយើងនឹងជួបគ្នាសាជាថ្មី ណាបង ! ” ។

ជាធម្មតា គេជួបម្តងក្នុង១ឆ្នាំ ចំពោះពេទ្យធ្មេញ តែខ្ញុំ ជួបបីដង ក្នុងម៉ាឆ្នាំ ប្រហែលមកពីធ្មេញខ្ញុំអន់ឬ ក៏មកពីអ្នកគ្រូពេទ្យក្មេង ? គិតមិនចេញព្រោះខ្ញុំត្រូវថ្នាំស្ពឹក ណាមួយត្រូវឧស្ម័នពិសេសទៀត ដើរទ្រេតចុះទ្រេតឡើង ដូចអ្នកប្រដាល់ក្បាច់គុនខ្មែរលើទូរទស្សហ៍ CTN ក្រោយពីត្រូវបានគូរប្រដាល់បានសំពងបែកអំពុលអំពែកមក!

ផ្តេសផ្តាសមែនខ្ញុំ ? ។

សូមអរគុណដែលបានចំណាយពេលវេលាអាននៅរឿងពិត ប្រឌិតថែមរបស់ខ្ញុំ ! សូមអោយបានសេចក្តីសុខសប្បាយនឹងសូមផ្ញើរក្តីរលឹកពីខ្ញុំ ដល់បងប្អូនគ្រប់គ្នា !

ការណែនាំទ្រួសៗពីហ្វូតុស្សប​សេអេស​៦

ខែ​មីនា 27, 2012

សួមជំរាបសួរប្រិយមិត្តពីចម្ងាយ!
សង្ឃឹមថាអ្នករាល់គ្នាមានសេចក្តីសុខសប្បាយជាធម្មតា ។ ខាងក្រោមជាសេចក្តីពន្យល់ទ្រួសៗ ពីការប្រើ ហ្វូតូស្សប ៦ ដែលនឹងចេញក្នុងពេលឆាប់ៗ ។ សូមទាញយកគ្រាន់អានកំសាន្ត សូមអរគុណ

សូមទាញយកពីទីនេះ  ការពន្យល់ទ្រួស ៗ

 


របៀបបញ្ចូលចម្រៀងសំរាប់ សម្លេងរោទ៍(RingTone)របស់ទូរសព្ទ័

ខែ​មីនា 13, 2012

ជំរាបសួរប្រិយមិត្តពីនាយសមុទ្រម្ខាង !

សង្ឃឹមថាអ្នករាល់គ្នាមានសេចក្តីសុខសប្បាយជាធម្មតារ៉េ ?  ពិតណាស់ សម័យអាលូវយើងអាចបង្កើតសម្លេងរោទ៍( Ringtone)សំរាប់ទូរស័ព្ទរបស់យើង ។ បើស្រាវជ្រាវរកកម្មវិធីតាមអិនធើនិត មិនខ្វះរ៉េ តែ ពិបាកប្រើ ។ថ្ងៃនេះខ្ញុំសូមនាំមកនៅក្តីបង្ហាញមួយដែលអ្នកទាំងអស់អាចបង្កើតខ្លួនឯងមិនចាំបាច់ត្រូវការ កម្មវិធីពិសេសអីទេ អោយតែមាន iTunes គឺជាការស្រេច ! ។ រឿងបង្កើតសម្លេងរោទ៍ អោយតែក្រោម ៣០វិនាទី គឺអាចប្រើការបានបើវែងជាងហ្នឹងមិនអាចដាក់បានរ៉េ នេះចំពោះ iPhones ។ សូមមើលរូបភាពខាងក្រោម ។ គួរពុំគួរសូមអភ័យទោស !

បើកប្រូក្រាម iTunes របស់យើង

សូមកត់ចំណាំ ត្រង់ពេលចាប់ផ្តើម A នឹងពេល ឈប់ B  ធ្វើយ៉ាងមេចត្រូវរក្សាអោយនៅក្រោម ៣០វិនាទី

សូមមើលខាងក្រោមចុច ( Control+Song’s name>get info >Start Time > 0:14 Stop Time>0:34 >OK

ខាងលើជាឧទាហរណ៌ ទែយើងអាចជ្រើសរើសរកកំណត់តាមតែបទចម្រៀងរបស់យើង

ក្រោយពេលជ្រើររកពេលកំណត់ហើយ សូមអញ្ជើញ ចុចដូចខាងលើ

ក្រោយពេលយើងបង្កើត AAC Version iTunes នឹងបង្កើតចម្រៀងមួយទៀតតែខ្លីជាងចម្រៀងអូឡាជីន ដូចជា  B  មានតែ ២២ វិនាទី

ពេលនោះយើងអាចទាញចម្រៀងនោះចេញពី iTunes ដាក់ទៅលើ  Desktop របស់យើងសូមចំណាំថា ពេលនោះ វានៅជា m4a មិនអាចប្រើជាសម្លេងរោទ៍នៅឡើយរ៉េ

ពេលនោះយើងគ្រាន់តែចុច ត្រង់ចុង m4a  ហើយ ប្រែវាមកជា m4r វិញ ពេលនោះវានឹងសួរយើង សូមជ្រើសរើស ដូចខាងលើ

ពេលនោះយើងត្រូវទាញចម្រៀងដែលយើងបានបង្កើត(អាខ្លី)ពី iTunes របស់យើង

ពេលនោះ យើងអាចចូលទៅក្នុង iTunes ហើយចុច  Tones នៅខាងឆ្វេងដៃ  ដើម្បីបញ្ចូលទៅក្នុងទូរស័ព្ទ របស់យើង

គ្រាន់តែទាញបញចូលទៅក្នុង  Tones វានឹងចេញក្នុង  Tones List របស់យើង ។ ក្រោយមក ភ្ជាប់ទូរសព្ទ័ជាមួយ iTunes  ហើយ Sync ជាការស្រេច ។

សូមបង្ហាញជាភាសា អងគ្លេស ដូចខាងក្រោម

1. Open iTunes

2. Click on your favorite song play and watch the counter write down the number such as 0:15 (started) and the finish 0:34 (stop)

3. Control (Mac) Shift(PC) + Song’s name >get info> Options> Start Time >0:14 Stop Time >0:34 > OK

4. Control (Mac) Shift(PC) + Song’s name> Create ACC Version

5.iTunes will duplicate the song But shorter the original song

6.Drag to the DeskTop

7.Change from .m4a to .m4r

8.Delete the Song (short version) from your iTunes playlist

9.In iTunes left side panel there is “Tones” click that

10. Drag the song from your Desktop drop into your “Tones”

11. Connect your iPhone to iTunes then Synce it…Enjoy

 

ទាញយកសម្លេងរោទ៍ របស់ខ្ញុំ   កម្លោះអត់ព្រួយ   ខ្ញុំពិការ     ចម្រៀងអត់ព្រៀងទុក


របៀបដកទីផ្សារ(Store)ចេញពីMusic​នៅលើ អាយហ្វូន អាយផត នឹង អាយផាត

ខែ​កុម្ភៈ 21, 2012

ជំរាបប្រិយមិត្ត !
មិនដឹងថាអ្នកទាំងអស់ចូលចិត្តស្តាប់ចម្រៀងខ្មែរដូចខ្ញុំរ៉េ ។ ពេលបើកនៅបទចម្រៀងម្តងៗ ខ្ញុំអាសារ ប៉ះនេះប៉ះនោះ ជាពិសេសត្រង់ បូតុង ( Store)ហ្នឹងតែម្តង ពេលប៉ះវា វាទៅបើកនៅទំព័ររបស់ Apple Store នាំអោយរអាក់ រអួលក្នុងការស្តាប់ចម្រៀងរបស់យើង។ តែយើងអាចដកយកបូតុងនោះចេញបានដោយប្រើ NoStoreButton ដែលអាចទាញយកពី Cydia បាន ។ ខាងក្រោមជារបៀបបង្ហាញ ដែលខ្ញុំបានធ្វើ សូមបញ្ជាក់ថាអាចប្រើបានតែជមួយសម្ភារះដែលបានដោះលេខ(កូដ) Jailbreak ហើយ

ខាងលើចូលទៅក្នុង Cydia ហើយស្វែងរក NoStoreButton ក្រោយមកត្រូវតម្លើងវាហើយជាការស្រេច

មិនទាន់ទាញយកចេញនៅឡើយ

សាកមើល ក្រែងលោកើត បើដឹងរបៀបហើយ សូមអរគុណដែលបានចូលលេង ។