អាយ ( i ) ដើមកំណើតរបស់អាយ នៃក្រុនហ៊ុន Apple

ជំរាបសួរប្រិយមិត្តពីនាយសមុទ្រម្ខាង !សង្ឃឹមថាអ្នករាល់គ្នាសុខសប្បាយជាធម្មតា ។

តើអ្នកទាំអស់គ្នាមានដែលឆ្ងល់ដែររ៉េថា ពាក្យ ” i ” របស់ Apple មានដើមកំណើតមកពីកាលណាហើយមាន័យថាយ៉ាណាដែរ  ។ ហេតុអ្វីបានជាគេដាក់ឈ្មោះសុទ្ធ”i” ហើយ អាយនឹងសម្គាល់លើ ឬ ក៏សំអាងអ្វីដែរ ? ។ និយាយសង្ខេប ចាប់តាំងពី ឆ្នាំ១៩៨៨ ពេលដែលក្រុមហ៊ុន Apple ទើបចាប់ផ្តើមជួលលោក ស្ទីវ ចប (Steve Job) ជា គណះអធិបតីបណ្តោះអាសន្ន កាលនោះ ក្រុមហ៊ុនរបស់ Apple មិនធាន់មានអនាគត ឬក៏ រូបរាងអោយពិតប្រាកដនៅឡើយរ៉េ តែគេមានក្បួនខ្លះដែលគេមិនទាន់បញ្ចេញ ។

ផលិតផលដំបូងរបស់ Apple នៅពេលនោះដែលនៅក្រោមការពិនិត្តនឹងដឹកនាំរបស់លោក ស្ទីវ ចប ត្រូវបានគរអោយឈ្មោះថា iMac ។ ក្រោយពីពេលនោះមក ផលិតផលរបស់ក្រុមហ៊ុន Apple បានរស់រានមានជីវិត្តជាទ្វេ ។

កំព្យូទ័រ iMac មានភាពនិយមច្រើន ទាំងពីពេលនោះក្រុមហ៊ុនApple កុងសុយឡើងកប់ពពក ចាប់ពីពេលនោះគេក៏បានរក្សានៅ ឈ្មោះ “i”នៅពីមុខរហូត ។ កាលពីសម័យនោះ  ”i” ជារហ័សនាម សំរាប់អិនធើនិត (i) Internet ។

ព្រោះកាលនោះ ពេលគេបង្កើត iMac គេបានគិតពី អិនធើនិត ព្រមជាលើកទីមួយដែល iMac លះបង់នៅ floppy Drive ហើយក៏ជាលើកដំបូងបង្អស់ដែល USB ត្រូវមានភពដើមកំណើតឡើងព្រោះតែ iMac នេះ ។

ប្រហែល មកពីកុងសុយពាក្យថា   ​ ៉ អាយ ៗ ៉ នេះទើបមកដល់សព្វថ្ងៃក្រុមហ៊ុន បាន ដាក់ឈ្មោះ ផលិតផលរបស់គេជាច្រើន ដូចជា iPhone,iPodTouch,iPad ,iBook,នឹង”i”ជាច្រើនទៀត ដែលត្រូវបានក្រុមហ៊ុនឯទៀតលួចយកទៅបង្កើត ហើយ ដាក់ឈ្មោះ ” i “ផ្សេងៗ ទៀត រាប់មិនអស់ អាយពិតប្រាកដ អាយក្លែងក្លាយ លក់ហូរហែរតាមទីផ្សាគ្មានត្រាប្រណី ។  ទោះបីជាយើងដឹងថា អាយ រហ័សនាមសំរាប់ អិនធើនិត កាលពីសម័យនោះ តែសម័យអាលូវ យើងមិនដឹងថាក្រុមហ៊ុន Apple ចង់មានន័យថា យ៉ាងណាពិតប្រាកដនោះ យើងមិនអាចស្មានបាន តែយើងអាចសួរខ្លួនយើងថា ហេតុអីក៏ក្រុមហ៊ុន Apple ជាក្រុមហ៊ុនមួយដែល មានបំផុតក្នុងសកាលលោក សូម្បីតែសហរដ្ឋអាមេរិក ក៏មានមិនដល់ ក្រុមហ៊ុន Apple ផង ។

សម័យនេះអោយតែចេញ អាយ មក ដឹង តែ iPhone,iPod,iPad,iCloud ទោះបីជាអាយ មិនមែនសំដៅទៅលើពាក្តថា អិនធើនិតក៏ដោយ ក៏នៅតែ ពិរោះ ហើយកាលិបរបស់គេដែរ ។ ខ្ញុំសង្កេតឃើញថា ផលិតផលរបស់ Apple ស្រួលប្រើ user-friendly នៅ សហរដ្ឋ ចាប់តាំងពីបថីសិក្សា រហូតដល់ មហាវិទ្យាល័យ ៩៩ ភាគរយប្រើប្រាស់ Apple Products។ ១ ភាគរយទៀត ប្រើ កំព្យូទ័រផ្សេង ដូចជា Dell , Toshiba, Sony  etc. សំរាប់តែពួកគ្រូដែលពួកគាត់ត្រូវបានគេតម្រូវអោយប្រើប្រាស់ ។

ខាងលើជាកំព្យូទ័រ Apple មួយដែលខ្ញុំបានទិញកាល ពី ឆ្នាំ ១៩៨៤ ឬ ១៩៨៥ ដែលមានឈ្មោះថា Apple II e ដែលមាន ថាសឌិស ៥.២៥ ហើយទម្ងន់ ប្រហែលជ្រូកមួយ បើប្រៀបធាបមកដល់សព្វថ្ងៃ Apple មានភាពរីកចំរើន ច្រើន តាំងផ្នែក សម្ភារះ នឹង វិច្ចេកវិជ្ជា ។

ជាកំព្យូទ័រ ទី ២ របស់ខ្ញុំ ក្នុងកំឡុងឆ្នាំ ១៩៩៣

ជាកំព្យូទ័រទី ៣ ដែលខ្ញុំបានទិញប្រើ

បីខាងលើខ្ញុំប្រើនៅកន្លែងធ្វើការ ពីសម័យនោះ ទាំងបីហ្នឹង ល្បឿនខ្លាំងគួសម សំរាប់កែរកុនរូបភាព

ខាងលើខ្ញុំនៅប្រើម្តងម៉ាកាល

ខាងលើដែលខ្ញុំប្រើរាល់ថ្ងៃ ល្បឿនលឿនអស្ចារ្យ បើកម្តងៗចង់គ្រិចក ព្រោះលឿនពេក ហាស់ ហាស់ និយាយលេងរ៉េ ។​  អរគុណដែលបានអញ្ជើញចូលលេង !

ឈាមពីរតំណ

សូមជំរាបសួរប្រិយមិត្តពីនាយសមុទ្រម្ខាង !

ខ្ញុំសង្ឃឹមថាអ្នករាល់គ្នាមានសេចក្តីសុខសប្បាយជាធម្មតារ៉េ ។ ថ្ងៃនេះសូមនាំមកនៅ សេចក្តីកំសាន្តដល់ចក្ខុ​នឹង ប្រាជ្ញាដល់ចំណីខួរក្បាលខ្លះ ៗ​ ជួយឡង់សេអោយ ខែម៉ារ៉ាសព្វ KhemaraSoft ។

ឈាមពីរដំណ
ប្រលោមលោកខាងយុទ្ធសិល្ប៍ របស់ចិនបុរាណ អានហើយអានទៀតមិនចង់ឃ្លាត សប្បាយចិត្តលែងចង្អៀត រវល់ជក់ចក្ខុលែងខ្វាយខ្វល់ ពោរពេញទៅដោយមនោសញ្ចេតនា អាថកំបាំង ក្បាច់គុណបុរាណ ដាវនឹងដាវ ដៃនឹងដៃ ទ្រូងឆ្អំទ្រូង ច្រមុះនឹងថ្ពាល់ ហេវហត់ ក្បត់អូន ក្បត់បង សីុសាច់ហុតឈាម អង្គៀមឆ្អឹង អានហើយមិនចង់ដាក់ចុះ ។ បើអស់លោកជាអ្នកស្នេហាអក្សរសាស្រ្តដូចហនុមាន ប្រាកដជាចូលចិត្តនៅរឿងនេះមិនខាន ។

លោក សាត់ មុនី ជាម្ចាស់ khemarasoft.com ព្រមទាំង បណ្តាល័យ អប្សរា បានព្រួតដៃគ្នាចងក្រងនៅរឿងនេះសាជាថ្មីម្តងទៀតជា សៀវភៅ អេឡិត្រូនិកដែលយើងទាំងអស់គ្នាអាចដាក់ក្នុង iPhone,iPad,នឹង iPodTouch បាន ដោយប្រើនៅយូនីកូដ ។

khemarasoft.com បានបង្កើតនៅ software សំរាប់ iOS devices ជាច្រើន ដូច វចនុក្រមខ្មែរអងគ្លេសខ្មែរ អងគ្លេស ខ្មែរ វិទ្យុខ្មែរសំរាប់ស្តាប់តាម iOS device ព្រមទាំងខ្មែរ Facebook ។ តម្លៃ នៃសៀវភៅនេះ តិចជាង តម្លៃ ហាំបើហ្គើមួយ ក្រោម ៥ ដុល្លា ខ្ញុំជឿជាក់ថា អ្នកប្រហែលចំណាយលើម្ហូបចំណី ចំអែតក្រពះច្រើនជាង ៥ ដុល្លាទៅទៀត ។ ចំពោះ ៥ ដុល្លាសំរាប់ចំណីខួក្បាល ខ្ញុំមិនស្តាយរ៉េ ។

បើចង់ដឹងច្បាស់ យល់ដឹង នៅក្តីរំជើបរំជួល អួលអាក់ ស្ទាក់ស្ទើ នៅ យុទ្ធសិល្ប៍ ហោះហើរ បិទមុខ អាថកំបាំងរាំងស្ទាស់ ប្រកាច់ចាប់មិនឈ្នះ សូមអញ្ចើញចូលទៅ គេហដ្ឋានរបស់លោក សាត់ មុនី ដើម្បីបំប៉ននៅចំណី មនោសញ្ចេតនា សេហ្នា អាថកំបាំង ។ សូមអរគុណ ដល់លោក សាត់ មុនី ព្រមទាំង បណ្តាល័យ អប្សរា ដែលបាន ចងក្រងនៅរឿងនេះសាឡើងវិញ ! ។ រូបភាពខាងក្រោមជាការបកស្រាយរបស់ខ្ញុំជាវិចិត្រករខុសឆ្គង លើសខ្វះ សូមអធ្យាស្រ័យដល់ខ្ញុំបាទ ។ សូមអរគុណដល់ទេព សុវិចិត្រ នឹង លោក ដាញ់ ហុង ចំពោះ អក្សរយូនីកូដ  នាគរី ដែលប្រើក្នុងការរចនាខាងក្រោម។

សៀវភៅនេះអាចប្រើបានជាមួយ iPhone,iPad នឹង iPodTouch

ខាងលើជា រូបពី iPad

ទំព័រពី iPad

ជំពូកមាតិការ ពី iPodTouch

ទំព័រពី iPodTouch

របៀបធ្វើរូបថតអោយទៅជាគំនូរមួយកំណាត់(ពាក់កណ្តាល)

ជំរាបសួរប្រិយមិត្តពីនាយសមុទ្រម្ខាង !

សង្ឃឹមថាអ្នករាល់គ្នាមានសេចក្តីសុខសប្បាយជាធម្មតារ៉េ ។​  ​​​ៃថ្ងនេះសូមនាំមកនៅវីឌីអូមួយទៀតដែលស្តីពី ការប្តូររូបភាពអោយក្លាយទៅជាគំនូរពាក់កណ្តាល ។  សូមអរគុណដល់បងស្រី កែវ ច័ន្ទបូរណ៌ ផងដែរ​ដែលបាន​អនុញ្ញាតិ អោយខ្ញុំប្រើរូបភាព របស់គាត់ ។ បើអ្នកទាំងអស់មិនដែលទៅលេងគាត់សូនអញ្ជើញទៅលេងគាត់ផង ។  ខាងក្រោម​ជា វីឌីអូ ដែលខ្ញុំ បានចងក្រង ។ គួរពុំគួរសូមអធ្យាស្រ័យ ។ សូមអភ័យទោសព្រោះសម្លេងមិនសូវល្អ ឭរំពងៗ មិនមែននិយាយក្នុងពាងប្រហុករ៉េ បាទ ! មកពីសម្លែងអាត់ !

ព្រះរាជ្យវាំង មិនទានប្រើកម្មវិធី Photoshop

ព្រះរាជ្យវាំងប្រើកម្មវិធី Photoshop រួច

វិមានខែម៉ារិន មិនទានើប្រើ Photoshop នៅឡើយ

​

វិមានខែម៉ារិន ប្រើកម្មវិធី  Photoshop រួចហើយ ។

របៀបប្រើ

១  បើកប្រូក្រាម Photoshop

២  cmd+j (pc: Control+j)

៣ Filter Menu> Stylize> Find Edges

៤ Shift+Cmd+U (pc: Control +u )

៥ Cmd+L (pc: Control+l)

៦ Go to Layer Palette > Layer Mask

៧ Hit ” g ” then Return ( pc: Enter) at this point your foreground color should be Black

៨ Gradient Dialog should pop up

៩ Drag from the top to bottom(left,right,down whatever desired)

បញ្ចូល Menu ជាភាសាខ្មែរ សំរាប់ iPhone,iPad,iPodTouch

ជំរាបសួរប្រិយមិត្តពីនាយសមុទ្រម្ខាង
សង្ឃឹមថាអ្នកទាំងអស់គ្នា មានសេចក្តីសុខសប្បាយជាធម្មតារ៉េ ។ ទាំងខ្ញុំទាំងអស់គ្នា មានសេចក្តី រីករាយណាស់ នៅ ពេល លោក តារ៉ា  Uponastar (iPhonekhmer.com) បានបង្កើតនៅ យូនីកូដ សំរាប់ ទូរស័ព្ទដៃ iPad នឹង​iPodTouch ដែលយើងជាខេមរាជនអាចប្រើប្រាស់ដោយសេរី ដោយមិនបាចចាំបង់ប្រាក់ ឬ ជាវយកមកប្រើប្រាស់ ។ គាត់មិនដែលទាមទាប្រាក់កាស់ ពី បង ប្អូនឡើយ ចំពោះការខិតខំរបស់លោក ព្រមទាំងសហការី ។

ទោះជាយើងអាចប្រើអក្សរ សាស្រ្តជាតិយើងក៏ដោយ តែក្នុងចិត្តរបស់យើងម្នាក់ៗ ចង់ដាក់សុទ្ធតែភាសា ខេម៉ារា ទាំងអស់ ។ ហេតុនេះទើបលោកចេញ សំរាប់ អោយក្តីត្រូវការរបស់យើងអាចប្រើការបាន តែនៅខ្វះខាតច្រើន ព្រោះពេលវេលា នឹង ការបកប្រែ ។ ចំពោះ កម្មវិធីនេះ អាចប្រើជាមួយ ទូរស័ព្ទ អាយហ្វូន បាន ល្អ ជាមួយ iPadTouch នឹង iPad  បានតែមិនទាន់ពេញលក្ខណះនៅឡើយរ៉េ តែអាចប្រើប្រាស់បាន ។ ក្នុងនាមខ្ញុំជាខ្មែរម្នាក់សូមអរគុណដល់ការខិតខំដល់ខ្នះខ្នែងរបស់លោកព្រមទាំងសហការី ទាំងអស់ ។

សង្ឃឹមថាជាគំរូដល់កុលបុត្រកុលធីតាទាំងក្នុងប្រទេស នឹងក្រៅប្រទេស ខិតខំ សិក្សាភាសា របស់ខ្លួន កុំអោយចេញ នឹង ការថ្មិះដៀលពី ជនបរទេស ថាខ្មែរជាជាតិមួយដែលអន់បំផុត ។​

ខាងក្រោមជារូបភាពខ្លះពី iPodTouch ​នឹង iPad  ។

ខាងលើជា Menu របស់ iPodTouch ក្រោយពីបញ្ចូល KhmerLocalization iOS 4 រួច

ក្រោយពីពេលបញ្ជូលហើយ

ក្រោយពីពេលបញ្ចូលហើយ

ខាងលើ ដែលគួបញ្ចូលទៅក្នុង ទូរស័ព្ទ ឬ ក៏ iPad, iPodTouch

ខាងលើជា Menu របស់ iPad មិនទាន់បញ្ចូល (ចុចលើរូបភាពដើម្បីអោយធំ មើលបានច្បាស់​)

ខាងលើពេលបញ្ជូលហើយ  (ចុចលើរូបភាពដើម្បីអោយធំ មើលបានច្បាស់​)

ខាងលើជាឈ្មោះភាសាទាំងអស់ជាភាសាខ្មែរ  ។

របៀបបញ្ចូល (សន្មត់ថាសម្ភារះបានដោះលេខរួច)

នៅលើ iPodTouch :

ចូលទៅ Cydia >Manage> Sources>iPhonekhmer.com>Khmer Localization iOS 4 >Install ក្រោយពី install រួចវានឹង Reboot​ ក្រោយមក ទៅ

Setting > General>International > Language > km ​ចុច  Done  ពេលនោះ វានឹងប្តូរមកជាភាសាខ្មែរ ពេលនោះអាចប្រើបាន ។

នៅលើ iPad

ចូលទៅ Cydia >Sources>iPhoneKhmer.com>Khmer Localization>Install ក្រោយមកវានឹង Reboot  ក្រោយមកចូលទៅ

Setting > Gerneral>International >Language>km  ចុច Done  ពេលនោះវានឹងប្តូរមកជាភាសាខ្មែរ ក្រោយមកអាចប្រើការបាន ។

ខែសីហា២០១១ Wallpapers

ជំរាបសួរប្រិយមិត្តពីនាយសមុទ្រម្ខាង !

សង្ឃឹមថាអ្នករាល់គ្នាសុខសប្បាយជាធម្មតារ៉េ ។ សូមអភ័យទោសដោយ មានធុរះក្នុងកិច្ចការប្រចាំជីវិត មិនបានចូលលេងផ្ទះរបស់ខ្លួនអោយបានញឹកញាប់ ។ បើមិនបានតបឆ្លើយអោយទាន់ពេលវេលា សូមអធ្យាស្រ័យ ។ ខាងក្រោមជា កំរបសំរាប់លំអកញ្ចក់កំព្យូទ័រ របស់អ្នករាល់គ្នា ។ បើមានហើយ សូមអរគុណដែលបានឆ្លៀតចូលលេង ។ គួរពុំគួរសូមអភ័យទោស ។

សូមទាញយកនៅទីនេះ 

សូមទាញយកពីទីនេះ

សូមទាញយករូបខាងលើពីទីនេះ

 សូមទាញយករូបខាងលើពីទីនេះ

សូមអញ្ជើញរីករាយ ក្នុងការទាញយកប្រើប្រាស់ ។